بالفيديو : لا يجوز للرجل أو المرأة التفتيش في تليفون و«شات» الزوج أو الزوجة

شبكة وتر - قال مفتي الجمهورية الجمهورية السابق، الدكتور علي جمعة، إن غض البصر يشمل عدم اختراق الخصوصية والنظر إلى مالا يعنيني، ناهيًا عن عدم جواز إطلاع المرأة على هاتف زوجها أو متابعة «الشات» الذي يجريه على الإنترنت. وأضاف جمعة في برنامج «والله أعلم» على قناة «سي بي سي» مساء امس السبت، أن غض البصر يتضمن ما خفي من الحياة الخاصة «وفيه أمر أشد خصوصية وهو التجسس من خرم الباب، وهو مشهد كنا نراه في الأفلام المصرية من تجسس بعض الخدم على اللي بيحصل في البيت من شهوة المعرفة.. أنت بتنظر لسر غيرك ليه، يقولك مانا عاوز أتأكد إنه مابيشربش خمرة أو مامعهوش واحدة أجنبية جوة، أنت مالك فنحن لم نؤمر بالتفتيش وهو دة الخلاف اللي بينا وبين اللي بيدعوا التفتيش على خلق الله، نحن نهينا عن التجسس والتحسس». وتابع: «خلي الناس مع ربنا وتخاف منه مش تخاف منك.. أوعى تفتش في تليفون زوجتك، أوعي تفتشي في تليفون زوجك، أو تدخل تشوف هيا بتعمل شاتينج مع مين وتغضب منها، لأن هذا من النظر، والست لا ينبغي أن تنظر في تليفون زوجها من وقت للتاني لأن ذلك يجلب المشاكل وتهدم بيوت»، منتقدًا تبادل الشك والتهم الجارحة سواء للرجل أو للمرأة، «انتي يا بنتي بتعملي كدة ليه، كل إنسان خطاء وسيبوا الأمور لربنا عشان ربنا يسترها». وقال: «من الله علي أن زوجتي لم تفتش علي أبدًا بقالي 42 سنة، ياريت الناس تعمل زي زوجتي، 40 سنة عمري ما دورت أنا كمان وراها، فقلت المشكلات وتكاد تنعدم بسبب خلق غض البصر، فهو يشمل الخصوصية والأسرار وعما لا يريد أحدنا ألا يطلع عليه».